Marketing AİR 11-ci dəfə

Marketing AİR 11-ci dəfə

Bu gün Marketing AİR təlimlərinin 11-cisi fəaliyyətə başlayır. Bu dəfə də 40-dək müxtəlif şirkətlərdən olan menecerlərlə. 5 ildir ki, eyni templə gedirik. Ona görə də bugün AİR məzunlarından 500 nəfərə yaxın adam var ki, müxtəlif yerli və xarici şirkətlərdə çalışırlar.

İlki 2012-ci ilin oktyabrında başlamışdı. O zaman üçün ilk praktik marketinq təlimləri idi. İndi şükürlər olsun ki, marketinq sahəsi ölkəmizdə kifayət qədər məşhurlaşıb. Bugünün özündə çox sayda savadlı, bacarıqlı marketoloqlarımız var. Onları görmək, işlərini izləmək zövq verir. Marketing AİR bu 5 il ərzində insanların gözündə dəyərə çevrilə bilib desəm, yəqin ki, yanılmaram. Sevindirici haldır ki, son 2 ildə ünsiyyətdə olduğum elə bir HR olmadı ki, Marketing AİR deyəndə ən azı “xəbərim var, eşitmişəm” deməsin. Əgər oxumamısınızsa, AİR-in tarixi ilə bağlı bu yazını oxumanızı tövsiyyə edirəm – 3 qaranın sirri Bu belə.

Ağıllı fikirləşincə…

Kiçik sahibkarlıq həmişə çevik olduğuna görə digərlərini qabaqlayır. Bir dəfə universitetdə bir vəzifəli şəxsə sual verdim ki, digital marketinq çox yüksələn xəttlə gedir, onu niyə dərs kimi tədris etmirsiniz ayrıca? Dedi ki, onu dərs kimi tədris etmək üçün minimum 1 il lazımdır. Bir çox prosedurları var imiş. Amma bazarda rəqabət amansızdır. Bazar gözləmir ki, sən 1 ilə onu dərs siyahına sal, 4 il o sahə üzrə adam yetişdir, 1 il də O, bazarda özünə təcrübə toplasın və sənin işinə yarasın. Ona görə kiçik sahibkarlar daha tələbi daha düzgün görüb daha çevik cavab verirlər bu tələbə. Marketing AİR də eyni zərurətdən yaranmışdı. Hamı kitab oxumağı bacarır, amma praktik bu işi real bazarda necə etmək olar hamı bilmirdi. Marketing AİR 2012-ci ildə o boşluğu düzgün görə bilmişdi.

Davamlılıq şərtdir

Təbii ki, AİR proqramının uğurunda onun davamlı olması əvəzedilməz rol oynayıb. Biz ən çətin vaxtlarımızda belə AİR-ə diqqət edək, o mütləq olmalıdır demişik. Açığını deyim ki, vaxt baxımından çox əziyyət çəkirik, çəkirdik. Amma yenə də nəyin bahasına olur-olsun davamlı olmağa çalışdıq, daim öz üzərimizdə işlədik, yeniliklər etdik. Gah yeni formatlar düşündük, cinemaya keçdik, gördük alınmır, qayıtdıq əvvələ. Sonra qiyməti bir az da qaldırıb kontingenti dəyişdik. Təqdimat mövzularını dəyişdik, AİR-çilərin möhkəm dostluqlarının formalaşması üçün il ərzində bir neçə dəfə sırf onlara özəl əyləncəli yığıncaqlar təşkil etdik.

Həmişə dəyişmək və ona hazır olmaq

AİR-in kənardan çox sadə, amma bir o qədər də faydalı 3 modulu – istiqaməti var. 1. Marketinq kommunikasiyaları, 2. Brendinq 3. Biznes strategiyaları, marketinq strategiyaları. 5 ildir ki, bu istiqaməti dəyişmirik və uğurlu olduğunu düşünürük. Keçən dəfədən isə işi bir az da təkmilləşdirmək və təlimlərin keyfiyyətini artırmaq üçün satış hüquqlarımızı tamamilə Sat Group şirkətinə verdik. Artıq təlimlərdə ancaq işin kontentinə fokuslanırıq. Administrativ işlərdən AİR-in təsisçiləri olaraq uzağıq. Bu çox yaxşıdır, effektivdir.

Məktəbi də var artıq

AİR-in builki konsepti də maraqlıdır. Yuxarıda yazdığım kimi 11-ci dəfə keçirdiyimiz üçün bu dəfə konsepti “XI AİR – Marketinqi məktəbindən öyrən” olsun dedik. 11 dəfə həqiqətən özü böyük məktəb sayıla bilər. 550-dək məzunu olan məktəb. Əgər az da olsa, marketinq sferamıza faydalı ola bilmişiksə, nə mutlu bizə 🙂 Bir neçə saat sonra marketing air ilk təlimi başlayacaq. Yerimiz də bir neçə dəfədir ki, dəyişməz qalır – Dəmirçi Plaza. Nə zaman istəsəniz, gəlin qatılın, dinləyin, sual verin, öyrənin, öyrənək. Bizim həm də yaxşı sloqanımız var idi axı – We Share / Biz Paylaşırıq.

Dostlarımız Sat Group sonuncu, 10-cu AİR məzunlarının bir neçəsi ilə maraqlı təəssürat videoları hazırlamışdılar. Yazımın sonunda onları Sizə təqdim edirəm və bugünkü AİR-də həm müəllimlərə, həm də iştirakçılara bol-bol uğurlayıram. Birlikdə 2 möhtəşəm ay keçirəcəyik.

Facebook Comments

Yazar haqqında

Rafiq Hunaltay
Rafiq Hunaltay 430 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Editor review

Summary

5 il və 11-ci dəfədir ki, bu istiqaməti dəyişmirik və uğurlu olduğunu düşünürük.

Həmçinin oxuya bilərsiniz

Marketinq 0 Comments

Faktlarla Facebook qalmaqalı. Bağlansa nə baş verər?

Yəqin hamınız məlum hadisədən xəbərdarsınız. Xəbəri olmayanlar üçün qısa arayış keçim. Facebookun əməkdaşlıq etdiyi şirkətlərdən biri – Cambridge Analytica deyilənə görə facebookun da icazəsi olmadan 50 milyon insana aid məlumatlardan

Marketinq 0 Comments

Sən gözəlsənsə, həyat gözəldir!

Bəli, son 1 aya yaxındır ki, dilimizdən bu söz düşmür. Televiziyanı açırsan tv-də, radioda, internetdə, facebook, instagram isə öz yerində. Hər yerdə bu sloqanla İdealın yeni imic reklamı gedir. Bugün

Araşdırma 0 Comments

Cinema Plus vs Park Cinema – facebook fan səhifə təhlili

Bir müddətlik fasilədən sonra yenidən Sizinlə növbəti təhlili paylaşıram. Bu dəfə mən ölkəmizin 2 böyük kinoteatr şəbəkəsini CinemaPlus və ParkCinema-nın facebook fan səhifələrini müxtəlif parametrlər üzrə dəyərləndirəcəm. Bildiyiniz kimi Socialbakers

Şərhlər

Şərh yazan yoxdur

İlk şərh yazan siz olun

Şərh yazın