09 Fevral 2025 Şərhlər 0 Rafiq Hunaltay

𝐕𝐚𝐜𝐢𝐛 𝐨𝐥𝐚𝐧𝐥𝐚𝐫 𝐧𝐚𝐝𝐢𝐫 𝐡𝐚𝐥𝐥𝐚𝐫𝐝𝐚 𝐭ə𝐜𝐢𝐥𝐢𝐝𝐢𝐫, 𝐭ə𝐜𝐢𝐥𝐢 𝐨𝐥𝐚𝐧𝐥𝐚𝐫 𝐝𝐚 𝐧𝐚𝐝𝐢𝐫 𝐡𝐚𝐥𝐥𝐚𝐫𝐝𝐚 𝐯𝐚𝐜𝐢𝐛𝐝𝐢𝐫

8 il ABŞ prezidenti olmuş Eisenhower-in maraqlı bir sözü var: “Vacib olanlar nadir hallarda təcilidir, təcili olanlar da nadir hallarda vacibdir”

Tarixə “Eisenhowerin Zaman Matrisi” kimi düşmüş bu alqoritmi həyatımızda rahatlıqla tətbiq edə bilərik. Bu matrisə görə həyatımız 1 və 4-lər arasında keçdiyindən 2 və 3-ə çox vaxtımız qalmır.

I xana adətən streslidir, tükənmişlik yarada bilir və s.

II xana keyfiyyət xanası sayılır. Nəticədə balansa və nəticəyə nail olmaq olur. Burada insanlar adətən işlər təcili olmadığına görə ertələməkdə səhv edirlər. Ertələmək yox, zamana yaymaq lazımdır.

III xanada daha çox olanlar adətən məşğul olur, amma nəticə bir o qədər də olmur.

IV xana vaxt itkisidir. Adətən də nəticə olmur.

Zamanı axışına buraxsaq, ömrümüz 1 və 4-ün arasında keçəcək. Zaman isə heç bir halda axışına buraxılmayacaq qədər dəyərlidir.

Bəs 2-ci xanada daha çox olmaq üçün nə etməliyik?

1. Pareto prinsipinə riayət etmək.

2. YOX deyə bilmək. Məşhur bir ifadədə deyildiyi kimi “YOX deməyi bacaranların HƏ-ləri mənalı olur”

3. Hədəf mərkəzli işləmək

4. Günlük deyil, həftəlik planlamalar etmək

5. Deleqasiya etmək və məsuliyyət ötürmə

Bəs Siz ən çox hansı “xana”da olursunuz?!

Facebook Comments

Tags Eynshover Zaman Matrisi

Kateqoriya Biznes

Yazar haqqında

Rafiq Hunaltay 488 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.