FIF2017 II panel moderator və spikerlərin çıxışlarının video yazısı

FIF2017-də II panel də öz rəngarəng çıxışları ilə yadda qaldı. Xüsusilə KPMG Azərbaycanın İdarəedici Partnyoru Vüqar bəyin moderatorluq xüsusiyyətləri çox yüksək səviyyədə idi. Vüqar bəy özü çox məşğul insandır, eyni zamanda ölkədə az-az olur, amma buna baxmayaraq bir neçə səfərini təxirə salıb tədbirimizdə iştirak etdi. Fürsətdən istifadə edib Vüqar bəyə bir daha təşəkkür edirəm.

PMD Group-dan Fərid Musayevi isə hələ Modern Holdinqdə olarkən tanıyırdım, daha doğrsu eşitmişdim. Onu tanıyan hər kəs şəxsi və intellektual bacarıqlarının çox yüksək olmasını bildirirdi. Bizim forumda da çox faydalı çıxışı ilə yadda qaldı. Azərbaycanda Private Equity & Venture Capital Ekosistemi haqqında danışdı. Fuad Kərimov Kapital Bazarı Klubu, İnvestAz-dan Orxan Bağırov Borc Alətləri Bazarı, Azersun Holdinqdən Uğur bəy Sığorta şirkətlərinin Azərbaycanın Maliyyə Bazarındakı Rolu mövzusunda çıxış etdilər.

Bu videolara baxdıqca yeni-yeni maliyyə sektoruna daxil olan menecerlərə müsbət mənada paxıllığım tutur. Biz universitetdə oxuyanda ancaq xarici youtube linklərindən olan və bizim bazara o qədər də aid olmayan məlumatlarla tanış olurduq. İndi isə sektorun ən professional mütəxəssislərindən birbaşa faydalı, praktik məlumatlar əldə etmək mümkündür. Biletin bahalığından şikayətlənənlər üçün də youtube-a bütün çıxışları yükləmişik, daha bundan artıq nə olsun? 🙂 Baxaq, faydalanaq.

Aşağıda Sizə II panelin bütün çıxışlarını, eyni zamanda çox maraqlı keçən sual-cavab bölümünü təqdim edirəm.