Keyfiyyətli yerli təlimlər əvəzsizdir

Ötən ay yenə Sat Group ilə Şamaxı Şərədil oteldə təlimimiz var idi. Bu dəfə isə satış direktorları, satış nümayəndələri üçün idi. Təlimdən olduqca böyük zövq aldım. Auditoriya səninlə birgə müzakirələrdə aktiv olanda çox maraqlı nəticələr ortaya çıxır. Əsas da hamıya faydalı olur. Sevindirici haldır ki, artıq böyük şirkətlərin nümayəndələri aktiv şəkildə təlimlərlə maraqlanır, yeni nələrsə, öyrənmək istəyirlər. Və bütün bunları ən çox yerli təcrübəsi olanlardan eşitməyə maraqlıdırlar.

Həmin proqramda yazdığım kimi mən də iştirak edirdim. Mövzum “Satış prosesi, satış alətləri, satış xətaları” idi. Təxminən 5-6 saatlıq təlim proqramı idi. İştirakçılar çox həvəsli idi. Çünki yerli bazardan nümunələr daha inandırıcı, daha realdır. Bu yaxınlarda həm də Michael Bang-ın təlimində oldum. 3 günlük təlim proqramı da satışla bağlı idi. Faydalı yeni şeylər öyrəndim təbii ki. Amma səmimi deyim ki, yerli təcrübədə, işdə tətbiq edəcəyimiz şeylər o qədər də çox deyildi. Ona görə də marketinq yerli adaptasiyanı çox sevir. Marketinq alətləri yerlərə görə çox dəyişir.

Bizi tanıyan dostlar bilir ki, bizim gizlin heç nəyimiz yoxdur. Biz çox rahat şəkildə istənilən təlimdən fotolar, videolar yayımlayırıq. Həm təlimçi, həm iştirakçılar açıqlanır. Bəlkə də Sizin tez-tez gördüyünüz “yüzdən çox şirkətə təlim və konsultasiya” sözündəki qeyri-müəyyənlik, mücərrədlik bizdə ola bilməz. Məsələn, mən növbəti bloq yazılarımda silsilə olaraq həmin təlimlərdə toxunduğumuz mövzulardan danışacam. Daha ətraflı açıqlamalarla bloq oxucularına çatdırmağı düşünürəm. Təbii ki, bu heç bir halda proqramın özünün real effektini verə bilməz, amma 60% əhatə edəcəyinə əmin ola bilərsiniz. Bundan başqa bizim və dostlarımızın təşkil etdiyi bu tip proqramlar həmişə iştirakçı bolluğu ilə seçilib. Elə bu dəfə də xeyli sayda böyük şirkət 3 gün ərzində sırf bu təlimlər üçün Şərədil otelə gəldi, həm əyləndi, dincəldi, həm də öyrəndi. Aşağıda Sizə rahatlıqla həmin şirkətlərin və iştirakçıların adını da yaza bilərəm. Buyurun,

Dostlarımıza güvənib öz əməkdaşlarını göndərən şirkətlərə, şirkət sahiblərinə dərin təşəkkür edirik. Ümidvarıq və inanırıq ki, 3 günlük bu təlimlər onların işi üçün çox faydalı oldu. Növbəti təlimlərdə görüşənədək.

P.S. Bu arada qeyd edim ki, 17-18 dekabr Sat Group Korporativ Satış Kursuna start verir. İri müştərilərin tapılması, korporativ satış texnikaları, planlama və sistemli iş, təcrübəli mütəxəssislərin hazırladığı unikal təlim proqramı, bol praktiki nümunələr, praktiki tapşırıqlar, praktiki texnologiya Sizin üçün maraqlıdırsa, iştirak edə bilərsiniz.