Satan fikirlər

Satan fikirlər

Dahi şairmiz Füzuli deyirdi ki, “bu dünya hər kəsin öz malını satdığı bir yerdir”. Həqiqətən də biz zamanızı, qabiliyyətlərimizi, ideya və fikirlərimizi “sataraq” pul qazanırıq. Fikirlər müxtəlif məqsədli düşünülə və deyilə bilər, mən bu yazıda satışımıza müsbət təsir göstərə biləcək fikirlərdən, yəni satan fikirlərdən yazmaq istəyirəm.

Satış dünyanın hər yerində eyni cür işləmir. Hər millətin psixologiyası müxtəlif olduğu üçün onların alış qərarları, onlara təsir edən amillər də fərqli olur. Məsələn, Almanlar intizam məsələsində çox həssas, iralndiyalılar isə tam tərsidir. Fransızlar isveç və finlərlə müqayisədə daha analitik düşüncə tərzinə sahibdir. İngilislər gec bəyənən, gec qərar verən tipdir. İsveçrəlilər simic olduqları üçün ödəmə məsələlərində uzunçuluq edir, yaponlar isə dəqiq və qaydalara uyğun hərəkət etməyi sevir. Norveçlilər qərar verəndə ortaq qərar almağı daha çox sevirlər. Ərəblərlə iş görürsüzsə, danışıq zamanı ayağını ayağının üstünə qoymaq hörmətsizlik kimi qəbul edilir. Hansısa ölkədə yeməyi sona qədər yemək mədəniyyətsizlik sayılır, hansısa ölkədə qabda nəsə saxlamaq hörmətsizlik kimi qəbul edilir. Satış işində satıcı alıcısına oxşamaq məcburiyyətindədir.

Bəs biz niyə satın alırıq?! İnsanlar adətən 4 səbəbə görə satın alır:

  1. Ehtiyaclarını qarşılamaq üçün
  2. Verilən bir təklif sayəsində hər-hansı fürsətin fərqinə vardıqları və onu əldə etmək istədiyi zaman
  3. Ehtiyacı olmasa da şüuraltı emosional səbəblərə görə
  4. Göstəriş üçün

Əvvəlki yazılarımdan fərqli olaraq 1 fikir 1 cümlə prinsipi ilə gedərək özüm üçün müəyyən etdiyim bəzi “satan fikirlər” hesab etdiklərimi aşağıda paylaşıram:

  1. Malı almayan müştəri deyil, sata bilməyən bizik
  2. Malın qiymətini salmaq əvəzinə, müştəriyə verəcəyimiz dəyəri artırmalıyıq
  3. Əlimizdən qaçan balıq həmişə böyük olur, biz nə qədər çalışsaq da həmişə deyəcəklər ki, ən böyük fürsəti qaçırmışıq
  4. Satış adamının dünya görüşü olmalıdır. Ölkəsində və dünyada baş verən hadisələrdən xali olması satış etməsinə ancaq faydalı ola bilər
  5. Müştəri şikayətinin yayılması məmnuniyyətin yayılmasından 5 dəfə daha çoxdur
  6. Satış adamının ən yaxşı bacarmalı olduğu şey – “networking”dir. Onun üçün aşağıdakı məsələlərə xüsusi diqqət etmək lazımdır;
  • Dəvət edildiyiniz yerə hamıdan öncə getmək lazımdır, gecikmək olmaz
  • Getdiyiniz yerdə ancaq tanışlarla söhbət etmək olmaz, mənasızdır. Tanımadığınız adamları tanımağa çalışın
  • İlk görüşlərdə uzun-uzun özünü ifadə, müzakirə və s. edən adamlara qulaq asmırlar
  • Üz daimə gülümsəməlidir
  • Ünsiyyətə girmək istədiyiniz adam istəksiz görünürsə, vaxt itirməyin
  1. Müştəri ilə olan mübahisənin qalibi yoxdur. Vorlden deyirdi ki, “mübahisə vaxtı mütləq son sözü siz demək istəyirsizsə, “deyəsən, haqlısınız” deməyə çalışın”.
  2. Satış adamı pozitiv olmalıdır. Əksi mümkün deyil. Ən ağır şərtlər altında belə fürsətə fokuslanmalıdır nəinki maneələrə. Ümumiyyətlə fürsət və maneə ardıcıl düzülür. Pozitiv baxan əngəlin önündəki fürsəti, pessimist baxan isə fürsətin arxasındakı əngəli görər.
  3. Satıcı iş fəaliyyəti boyu 3 şeyin nəbzini tutmağı çox yaxşı bacarmalıdır: şirkətin nəbzi, sektorun nəbzi, müştərinin nəbzi
  4. Bura qədər oxumusuzsa, 10-cu satan fikri də Siz yazın.
Facebook Comments

Yazar haqqında

Rafiq Hunaltay
Rafiq Hunaltay 472 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Editor review

Summary

“mübahisə vaxtı mütləq son sözü siz demək istəyirsizsə, “deyəsən, haqlısınız” deməyə çalışın”

Həmçinin oxuya bilərsiniz

Satış 0 Comments

Nə lazımdır? (Satış prosesinin incəlikləri, III yazı)

Bugün satış bütün bizneslər üçün çox vacibdir. İndi satış prosesi, prosesin effektivliyi, artırılması və ən azı mövcud satışın qorunub saxlanması şirkəti rəsmən bu ərəfələr batmaqdan xilas edə bilər. Bildiyiniz kimi

Marketinq 0 Comments

Marketinq Azərbaycan qrupunun 5 ili tamam oldu

31 avqust tarixində facebookda ən böyük qapalı marketinq qrupu olan Marketinq Azərbaycan qrupunun yaranmasının 5 ili tamam olur. Qrupun yaranma tarixi və keçirdiyi tədbirlər haqqında daha öncə çox yazmışam. Bu

Araşdırma 0 Comments

Son 3 aya əsasən 4 böyük bankın facebook fan səhifə təhlili! Kim neçəncidir?!

Ötən bloqumda yazdığım kimi Socialbakerslə əməkdaşlığım çərçivəsində aylıq mütəmadi olaraq Azərbaycan və xarici şirkətlərin sosial media aktivliyini müqayisə edəcəm. Məqsəd həmin şirkətlərin öz fəaliyyətini təhlil edib səhvlərini düzəltməsi, güclü tərəflərini

Şərhlər

Şərh yazan yoxdur

İlk şərh yazan siz olun

Şərh yazın