3 rəngli bayrağa hər baxanda O ulduzu görürəm

3 rəngli bayrağa hər baxanda O ulduzu görürəm

Rəsulzadəyə heyran olmamaq mümkün deyil. Gənc yaşdan Bakıda təşkilatlanmağa başlayır, fərqli cərəyanlara qoşulur, aktiv siyasi mübarizə aparır. İrana gedir, orda qəzet buraxır, kitab yazır, partiya qurur. İstanbula gedir, kitablar yazır, qəzet buraxır, dərnəklər yaradır. 1918-1920-ci illərdə bir az da irəli gedib dövlət qurur a kişi, dövlət. Süqutdan sonra avropanın demək olar getdiyi hər şəhərində yenə kitab, yenə jurnallar, radio çıxışları, təşkilatlar və daha nələr, nələr. Faşistlərlə anlaşmır, etiraz edir qayıdır Türkiyəyə. Düz ölənədək yüzlərlə fəaliyyət sahəsində aktiv iştirak, minlərlə yazı yazır. Bir ədibdən daha çox ədib, yazıçıdan daha çox yazıçı, siyasətçidən daha çox siyasətçi olur. Dediyi hər şey demək olar ki, düz çıxır. Hardandır bu enerji, necə insan bu qədər pozitiv ola, ölkəsini və onun müstəqilliyini bu qədər arzulaya bilər. Və ən əsası bütün bunları çox məhdud resurslarla, maddi çətinliklər içərisində edir. İstanbulda yaşadıqları evin pəncərəsi yox imiş, zirzəmi qatında olduğu üçün günəş düşmürmüş. İnanmaq olmur vallah. Ümumiyyətlə o nə dövrdür, necə möcüzəli illərdir. Rəsulzadə bu tərəfdə tarix yaradır, Əli bəy Hüseynzadə, Əhməd bəy Ağaoğlu o tərəfdə Türkiyənin quruculuğunda aktiv iştirak edir. Ağaoğlunun qızı Türkiyənin ilk qadın hüquqşünasıdır. Bu basa-basda oturub baxırsan hərəsi 4-5 dil bilir. Necə öyrənirlər, nə vaxt öyrənirlər.
Və bütün bunlardan sonra anlayırsan ki, insanın gücü inandığı dəyərlərlə çox sıx bağlıdır. O dəyər uğrunda mübarizədə insan yorulmur, depressiyaya düşmür, yıxıldıqca qalxır, yıxıldıqca qalxır və davam edir. Son nəfəsinədək davam edir. Yaşamaq bu olsa gərək.
Ruhunuz şad olsun, əziz fəadilər, difailər.
Facebook Comments

Yazar haqqında

Rafiq Hunaltay
Rafiq Hunaltay 480 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Həmçinin oxuya bilərsiniz

Köşə yazıları 0 Comments

Marketoloqun stres altında işləməsi kimə faydalıdır?

Dekabr girəndən mart çıxana kimi olduqca gərgin bir 3 ay keçirdim. İşin biri bitməmiş o biri, bu biri başlamamış yenisi və s. deyə-deyə, edə-edə gəldik mart sonuna. Məlumat üçün deyim

Köşə yazıları 0 Comments

Müzakirə mədəniyyəti

“Həmişə haqlı olmağa çalışmaqdansa, həmişə mədəni olun” Sosial media Azərbaycanın ictimai, sosial və siyasi həyatının müzakirə olunduğu ən aktiv platformalardan biridir. Etiraf etməliyik ki, sosial media olmasa, bizim bir çox

Münasibət 0 Comments

Orta statistik bir az oxumuş azərbaycanlı neynəsin?

Deməli, bugün oxuyuram ki, aprel ayında New-York birjasında Teslanın bazar dəyəri 50 milyard dollar olub. Bu rəqəmlə Tesla ilk dəfədir ki, iki böyük avtomobil nəhəngi Ford və GM-i geridə qoyub.

Şərhlər

Şərh yazan yoxdur

İlk şərh yazan siz olun

Şərh yazın