FIF2017 I panel moderator və spikerlərin çıxışlarının video yazısı

Əziz dostlar, FİF2017 06 may tarixində uğurla keçirildi. Tədbirdən 1 aydan çox vaxt keçməsinə baxmayaraq hələ də müzakirə edilir. Hissə-hissə facebook səhifəmizdə tədbirlə bağlı məlumat və videolar yayımlanmaqdadır. Mən ayrıca 3 yazı şəklində FIF2017-nin hər 3 panelinin videolarını bir yerə toplayıb təqdim edəcəm. Düşünürəm ki, vaxt ayırıb izləməyə dəyən xeyli faydalı informasiyalar var. Özüm marketoloq olsam da, strateji marketinq bizdən maliyyə bilikləri də tələb edir. Ona görə mənim özüm üçün də çox maraqlı idi.

Forumun 1-ci paneli Maliyyə Bazarları və İnkişaf Perspektivləri idi. Bu panelin moderatoru Gilan FMCG Maliyyə Direktoru Niyazi Abbasov qısa girişlə mövzunun praktik aktuallığına toxundu.

Daha sonra Türkiyənin top 10 özəl sərmaye fondları siyahısında yer alan Mediterra şirkətinin partnyoru Orhan Ayanlar hər kəsin maraqlı izlədiyi təqdimat etdi. Çox sadə və faydalı çıxışı hər birinizin izləməsini tövsiyyə edirəm.

Panelin digər spikerləri AzFinans İnvest şirkətindən İntiqam Səfərəliyev Maliyyə Bazarlarında İnvestisiya şirkətlərinin rolu, MBNP-dən Orxan İsmayılov Maliyyə xidmətlərinin inkişafı üzrə Strateji Yol Xəritəsi , Bakı Fond Birjasından Abdulla İsayev isə Yeni Ticarət Platformasına Keçid başlığı ilə çıxış etdilər. Sonda isə mövzuya uyğun yarım saatlıq faydalı müzakirə, sual-cavab keçirildi. Aşağıda hər birinin video yazısını təqdim edirəm.