Şəkilsiz yazılar seriyası #10 – Meyxana

Şəkilsiz yazılar seriyası #10 – Meyxana

Həqiqət elə bir şeydir ki, kağızın üstünə 2 sözlə yaz at, bir gün səni məşhur edə bilər.
Yalan haqqında isə dastan yaz, cild-cild kitab yaz gec-tez üzə çıxacaq. O dəfə də yazmışdım ki, adam həqiqəti deyəndə ola bilsin ki, adam udmasın, amma həqiqət mütləq udacaq.
Alternativ musiqi ənənəvi musiqidən həm də ona görə fərqlənir ki, o hamının məşhur dediyi və etdiyi adamın cürət etmədiyini deyə bilir. Gəlin razılaşaq ki, bu gün bizim musiqilərə 50 il sonra qulaq assan, bu dövrdə bizim nə yeyib, nə içdiyimiz, necə yaşadığımız aydın olmayacaq. Amma meyxanada cəmiyyəti çılpaqlığı ilə görə bilirsən. Nədirsə onu göstərir. Ümumiyyətlə insanların nəyə gülüb nəyə ağladığını bilsən, o qövm haqqında çox bilgiyə sahibsən deməkdir. Bu gün ”məşhur müğənnilər” var ki, çiçəkdən-böcəkdən oxuya-oxuya xalqdan uzaqlaşır. Onlardan bəziləri restoranda 15 dəqiqə rahat otura bilmir. Şəxsən şahidi olmuşam. Ona görə yox ki, camaat axışır, imza istəyir. Ona görə ki, kinayəli baxışlara tab gətirə bilmir.
Mənə görə meyxananı ”qova-qova namərd ediblər”. Adamların sanki “boynuna qoyublar” ki, sən o yolun yolçusansa, 100% içməlisən, çəkməlisən, çaşanı “nakazat” eləməlisən, “içəridəki yaxşı oğlanlara” göndərmə etməlisən və s. İstər meyxanaçılar, istər ona qulaq asanlar digərləri ilə arasına böyük sədd qoyub sanki. Orta yoxdur, ya bizdənsən, ya da deyilsən. Hər işimiz belədir, bizi kimi düşünməyən bizdən deyil məntiqi ilə getdikcə, uzlaşa, orta yolu tapa bilmirik.
Musiqini bir kənara qoyun, bədahətən deyilən qəzəllər, şerlər var ki, bizim ən məşhur şairimiz otursa, 1 aya o cür yaza bilməz. Bu istedaddır. O istedadı sadəcə düzgün istifadə etdikdə daha gözəl işlər ortaya çıxır. Aydın Xırdalanlı haqqında rəhmətə gedəndə yazı yazmışdım. Məsələn, onun qəzəlləri ayrı aləmdir, Vüqar Füzulidir elə bil. Sözdən başı çıxan bilir nə demək istədiyimi.
Amma di gəl ki, əksəri karyerasının ən pik nöqtəsində çox vaxt “düz yoldan azıb nabələd ünvanlara düşür”.
Rəşad Dağlı dəhşət istedadlıdır. Kimisə qətlə yetirmək heç yaraşmadı. Yaşayıb-yaratmaq var ikən, xalqa daha yaxın olmaq var ikən… Amma “biləsən şair”, hər dəfə öz janrınızı yuxarı qaldıranda, nəsə olur və onu təzədən 0 nöqtəsinə yuvarlayırsız. Belə olmaz, olmamalıdır.
Facebook Comments

Yazar haqqında

Rafiq Hunaltay
Rafiq Hunaltay 471 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Həmçinin oxuya bilərsiniz

Sərbəst 0 Comments

Şəkilsiz yazılar seriyası #11 – 𝟐𝟎𝟐𝟐-𝐜𝐢 𝐢𝐥𝐢𝐧 𝐲𝐚𝐫𝐚𝐭𝐝ığı 𝐯ə 𝐦əş𝐡𝐮𝐫 𝐞𝐭𝐝𝐢𝐲𝐢 𝐭𝐞𝐫𝐦𝐢𝐧𝐥ə𝐫

2022-ci il bitir, amma dünya iqtisadiyyatı üçün bir çox yeni terminləri də özü ilə bərabər məşhur edib. Bir çox termin əvvəllər ola bilsin, istifadə edilib, amma 2022-ci il qədər geniş

Sərbəst 0 Comments

Təhsilimiz hara gedir?

Dediklərimiz yox, etdiklərimiz haqqında Neçə vaxtdır ki, bu haqda yazı yazmaq istəyirdim. Qismət bu günə imiş. Son baş verən bir neçə hadisəni də nəzərə alaraq Sizə bu dəfə təhsil sistemimizdə

Sərbəst 0 Comments

Teymur paşama aid 44 ˝hikmətli kəlam˝

Əziz dostlar, bu dəfə bloqumda belə bir yenilik etmək istədim. 2008-ci ildən facebooku aktiv istifadə edirəm və ogün-bugün xeyli sayda aktivliklər etmişik. Dünən təhlükəsizlik üçün bütün fb arxivini yükləyəndə bu

Şərhlər

Şərh yazan yoxdur

İlk şərh yazan siz olun

Şərh yazın