Şəkilsiz yazılar seriyası #12 – 2023-cü il iqtisadi proqnozları

Şəkilsiz yazılar seriyası #12 – 2023-cü il iqtisadi proqnozları

The Economist 2023-cü il proqnozları üzrə maraqlı qısa icmalını dərc edib. Maraqlı olan bəzi məlumatları Sizinlə də bölüşüm.

– 2022-ci ildə dünyada yeni avtomobil satışı ötən illə müqayisədə 1% artıb, elektrikli avtomobillərin satışı isə əvvəlki il ilə müqayisədə 25% artıb. Trend hara gedir açıq görünür. Tezliklə elektrikli avtomobillər üçün ehtiyat hissələri və servis mərkəzləri açılması gələcək üçün yaxşı investisiya sayıla bilər.

– Netflix 17 milyard dollarlıq kontentə pul xərcləyib və bu ildən abunəçilərin parollarını paylaşmağın qarşısını alacağını bildirib. Ənənəvi tv və radiolar ciddi kontent yaratmadıqca çox çətinliklərlə üzləşəcək. Düşünürəm ki, yaratdıqları kontentdən tv-dən daha çox internetdəki yayımından qazana bilərlər.

– 2023-cü ildə Çinin ÜDM-si 4,7% artacaq. Dünyanın Çindən asılılığı isə davam edəcək. Belə ki, Avropa 2023-ü tarixinin ən çətin ili kimi qeyd etməyə hazırlaşır.

– 2023-cü il Ukrayna müharibəsinə görə dünyada qida çatışmazlığı ilə də yadda qalacaq. BMT-nin məlumatına görə dünyada 830 milyon insan aclıqdan əziyyət çəkir. Alternativ qida resurslarına ciddi yönəlmə səbəbindən 12% civarında dünya miqyasında əsas qida məhsullarının qiymətinə düşüş gözlənilir. Xüsusilə Sinqapur labaratoriyada yetişdirilən bəzi qida məhsulları üzrə mərkəzə çevriləcək.

– Covid 19 2023-cü ildə daha çox insanı yoluxduracaq. Amma yeni növlər meydana gəlməsə, ölümlər adi qrip ölümlərindən iki dəfədən aza düşəcək.

– 2020-2021-ci illərdə dünya əhalisinin ömür uzunluğu 1,8 il azalmışdı. 2023-dən bərpa olunacağı təxmin edilir.

– İnfrastruktur layihələrə investisiyalar son illər 25% civarında artıb, amma bu artım dünya dövlətlərində nağd vəsait çatışmamazlığı səbəbindən 2023-də zəifləyəcək. Ümumilikdə dünya üzrə investisiya məbləği 2023-cü il üzrə 25 trilyon dolları ötəcək.

– Dentsu araşdırmasına görə 2023-cü ildə dünya üzrə media və reklam bazarı 5% həcmində böyüyərək 780 milyard dollara çatacaq. Kolumbiya, Nigeriya və Cənubi Afrika Amazonun 2023-cü ildə girmək istədiyi bazarlar siyahısındadır. Hətta elektron ticarət bazarı da 2023-cü ildə satışlar baxımından elə də asan il keçirməyəcək.

– Dünya əmlak bazarında satışlar 1% həcmində artaraq 5,8 trilyon dollara çatacaq. Ancaq əmlak bazarında yüksək qiymətlər artan inflyasiya fonunda bəzi ölkələrdə düşüş yaşayacaq. Əmlak sektoru investorlar üçün 2023-cü ildə daha az cəlbedici gələcək.

– Dünya üzrə mobil kommunikasiya istifadəçiləri 5,5 milyard nəfərə çatacaq. Bu sektor dünya iqtisadiyyatına 2023-cü ildə 4,8 trilyon dollar gətirəcək

– Turizm sektoru da 2023-cü ildə bazardan 1,4 trilyon dollar götürəcək. Aviasiya sektoru isə 2023-cü ili mənfəətlə keçirəcək.

Facebook Comments

Yazar haqqında

Rafiq Hunaltay
Rafiq Hunaltay 480 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Həmçinin oxuya bilərsiniz

Biznes 0 Comments

İşdəki xarici müdirlər

Bizi kimi ölkələrdə çox tez-tez olur belə şeylər. Baxırsan, öz gücünə böyüyən bir şirkətdir. Bir müddət sonra nəyəsə görə qərara gəlir ki, mütləq ekspat gətirib işlətmək lazımdır. Biri var işdə

Biznes 0 Comments

Şəkilsiz yazılar seriyası #14 – Terminoloji inflyasiya

Laura Empsonun Oxford kitabxanası tərəfindən yayımlanan bir kitabında maraqlı bir şərhə rast gəldim – TERMİNOLOJİ İNFLYASİYA Nədir terminoloji inflyasiya?! Əksərən mahiyyət eyni qalmaqda eyni predmetə fərqli, yeni termin əlavə etməkdir.

Biznes 0 Comments

Təzə müdir

Ölkə təzə müstəqil olub. Hələ də alverçilərə oğru kimi baxdıqları bir zamanda, “dövlət işi” axtaranlardan fərqli olaraq sahibkar təfəkkürlü bəzi insanlar yaranmış fürsətdən istifadə edərək özlərinə şirkət qurdu. Sərbəst iqtisadiyyatı

Şərhlər

Şərh yazan yoxdur

İlk şərh yazan siz olun

Şərh yazın