01 İyun 2016 Şərhlər 0 Rafiq Hunaltay

Cinema Plus vs Park Cinema – facebook fan səhifə təhlili

Bir müddətlik fasilədən sonra yenidən Sizinlə növbəti təhlili paylaşıram. Bu dəfə mən ölkəmizin 2 böyük kinoteatr şəbəkəsini CinemaPlus və ParkCinema-nın facebook fan səhifələrini müxtəlif parametrlər üzrə dəyərləndirəcəm. Bildiyiniz kimi Socialbakers ilə əməkdaşlıq çərçivəsində biz aylıq olaraq yerli şirkətlərimizin sosial şəbəkə aktivliyini təhlil edirik. Məqsədimiz həm təhlil edilən şirkətləri, həm də bu yazını oxuyan digər şirkət əməkdaşlarını beynəlxalq səviyyədə istifadə edilən keyfiyyət kriteriyaları ilə tanış etmək, o parametrlərdən daha effektiv istifadədə yardımçı olmaqdır. Bu dəfəki təhlildə biz ilk dəfə 2016-cı ili bütövlükdə, yəni ilk 5 ayını bir yerdə təhlil edəcəyik. Beləliklə,

Təhlil müddəti – Son 5 ay ( 1 yanvar 2016 – 31 may 2016)

Təhlil edilən sahə: Kinoteatr

Təhlil edilən obyektlər: CinemaPlus və Park Cinema

Təhlil edilən platforma: Rəsmi facebook fan səhifə

Qiymətləndirmə sistemi: 5 ballıq şkala

Ümumi fan sayına görə kinoteatrlarımızın durumu aşağıdakı şəkildə verilib.

Təhlil:

Ciddi faktor olmasa da lokal fanların faiz nisbətinə görə CinemaPlus öndədir – 94%. Bu parametrə görə Cinemaplus 2, Park Cinema 1 bal alır. Park Cinemada, məsələn, 6000-ə yaxın Gürcüstandan fan var.

1. Səhifə postlarının sayı / number of page posts

Təhlil:

Orta gündəlik 14.86 post sayı ilə Park Cinema 11.97 orta gündəlik postla Cinema Plus-a qalib gəlir. Bu parametrə görə Park Cinema 2, Cinema Plus 1 bal alır. Qeyd edim ki, əsəs orta gündəlik postlardan daha çox post bölgüsü, o postlara olan reaksiyalardır. Ona görə də bu bəndə cüzi qiymətləndirmə etdik.

2. Səhifə post növlərinə görə sıralama

Təhlil:

Video və linklərdən Cinema Plus daha çox istifadə edir, nəinki Park Cinema. Yuxarıdakı cədvəldən bunu aydın görə bilərsiniz. Baxmayaraq ki, 1500 şəkil paylaşımına qarşı eyni müddət üçün Park Cinema 2000 şəkil paylaşıb, yenə də faiz nisbəti ciddi rol oynayır. Buna görə də Cinema Plus 3, Park Cinema 2 bal alır.

3. Fan postların sayına görə

Təhlil:

Park Cinemada orta gündəlik 30.41 fan dəyişikliyi baş verirsə, CinemaPlus-da bu rəqəm 2.51-dir. Eyni zamanda Park Cinemada orta gündəlik 45 fan post olursa, rəqibdə bu 34-dür. Fanların diqqəti səhifə üçün ciddi rol oynadığına görə bu parametrdə Park Cinema 3, Cinema Plus 2 bal alır.

4. Most Engaging Posts Overview

Təhlil:

Burada ən çox interaction alan postları görürsünüz. Bütün digər parametrlərdə Park Cinema üstün görünür. Lakin, Cinema Plus 2597 share alan postu olduqca yüksək nəticədir. Hətta reklam olsa belə, 2597 share etmək üçün fanı məcbur etmək olmaz. Məhz bu göstəriciyə görə Cinema Plus 3, Park Cinema 2 bal alır.

5. Orta aylıq interaction növlərinə görə faiz bölgüsü

Təhlil:

Burada açıq-aşkar Park Cinema üstündür. Bu göstərici səhifə üçün ciddi rol oynayır. Bu parametrə görə Park Cinema 5, Cinema Plus 3 balır. Comment və share sayına görə Park Cinema üstündür, lakin faiz etibarilə yerinə görə paylaşım və şərh faizi Cinema Plusda çoxdur. İstənilən halda ümumi aktivlik Park Cinemada daha çoxdur.

6. Ortalama 1000 fana görə aylıq interaction sayı

Təhlil:

Əlavə şərh vermədən yuxarıdakı göstəricilərə diqqət edə bilərsiniz. Burada da Park Cinema-nın aşkar üstünlüyü var. Park Cinema 5, Cinema Plus 4 bal.

7. Socially Devoted indeksi (istifadəçi suallarına cavab vermə indeksi)

Təhlil:

89%-in 45%-ə nəticə ilə Park Cinema istifadəçi suallarına qarşı daha diqqətlidir. Bu parametrə görə Park Cinema 4, Cinema Plus 3 bal alır.

8. Facebook səhifə istifadə / funksionallıq

Bu parametrdə hər iki səhifənin ən bəyənilməyən xüsusiyyəti səhifəni rus dilində idarə etmələridir. Ən az iki dildə aparmaq olardı. Amma səhifəyə əlavə app-lar qoşulmasına görə Cinema Plus Park Cinemadan daha öndədir. Eyni zamanda fotoların keyfiyyəti və yazılan statuslarda qaydalara riayət etmə də Cinema Plusun xeyrinədir. Bu parametrə görə də Cinema Plus 5, Park Cinema 4 bal alır.

YEKUN:

Toplamda 9 parametr üzrə qiymətləndirmə etdik. Bu dəfə daha çox şərh vermədik. Yekun olaraq nəticələr belədir: Cinema Plus 26, Park Cinema 28 bal. Simvolik qiymətləndirmədə qalib olan Park Cinemanı təbrik edirik. Ümidvarıq ki, bu nəticələri hər bir səhifə ayrılıqda təhlil edib sonrakı mərhələdə daha yaxşı nəticələr sərgiləyəcəkdir.

Növbəti araşdırmalarda görüşmək diləyilə…

Facebook Comments

Kateqoriya Araşdırma Marketinq

Yazar haqqında

Rafiq Hunaltay 476 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Editor review

Summary

Bu dəfə mən ölkəmizin 2 böyük kinoteatr şəbəkəsini CinemaPlus və ParkCinema-nın facebook fan səhifələrini müxtəlif parametrlər üzrə dəyərləndirəcəm. Bildiyiniz kimi Socialbakers ilə əməkdaşlıq çərçivəsində biz aylıq olaraq yerli şirkətlərimizin sosial şəbəkə aktivliyini təhlil edirik. Məqsədimiz həm təhlil edilən şirkətləri, həm də bu yazını oxuyan digər şirkət əməkdaşlarını beynəlxalq səviyyədə istifadə edilən keyfiyyət kriteriyaları ilə tanış etmək, o parametrlərdən daha effektiv istifadədə yardımçı olmaqdır. Bu dəfəki təhlildə biz ilk dəfə 2016-cı ili bütövlükdə, yəni ilk 5 ayını bir yerdə təhlil edəcəyik.