Şəkilsiz yazılar seriyası #17 – Evsayağı süni intellektə qarşı

Şəkilsiz yazılar seriyası #17 – Evsayağı süni intellektə qarşı

Davranış psixologiyasında belə bir şey var ki, “insanlar keçmişə qayıtmaq istəyir, amma keçmişin hər anına yox, ancaq xoş anlarına”.
 
Müasir biznes bizim bu davranışımızın kökünə bələd olub “neoklassika”nı kəşf etdi. Klassik üslubdan ən zövqlülərinin orasını-burasını dəyişib “neo” adı ilə təqdim etdilər. Məsrəf daha az, amma daha baha.
Süni intellekt sözsüz ki, inqilabdır. İnqilabı isə yaradanlarla faydalananlar heç vaxt eyni olmayıb. Bir müddət sonra süni intellekt bugünün “fast food”u olacaq. Hamı dadını bəyənəcək, ondan asılı olacaq, amma təbii olmadığını da biləcək, təbii olanı axtaracaq, ona daha çox pul verməyə hazır olacaq. Yəni təbii, real olan təsvir, görüntü, səs və s. “ev yeməyinə” dönüb bahalaşacaq. Bu gün restoranlar qabağına “evsayağı” atdıqları bütün yeməkləri baha satırlar. Halbuki bir vaxtlar bütün ölkə elə evsayağı yeyirdi və bu restorandakından qat-qat ucuza başa gəlirdi.
 
Məsələn, son günlər davamlı süni intellektlə yığılmış musiqilərə qulaq asırdım. Çox da gözəl alınıb, bir xeyli qulaq asdım. Bir müddət sonra hiss elədim ki, bu musiqilər kola kimidi, içirsən, amma susuzluğun yatmır. Artıq real adamın real səsinə və real musiqi alətləri ilə olan musiqilərini dinləmək istədim. Süni intellekt az sonra musiqi industriyasını “broyler toyuğuna” döndərəcək. Toyuğu toyuq bilib yeyəcəksən, amma ondan kağız dadı gələcək.
 
Təbii ki, hər dövrdə çıxan yeni alətlərin yaxşısı da olub, pisi də. Sözsüz süni intellekt alətləri də həndəsi silsilə ilə artacaq. Aralarında çox yaxşıları da olacaq, tərsi də. Aradakı fərqi müştəri seçə bilməyəndə isə istənilən “evsayağı” ona daha dadlı və daha sağlam gələcək.

Yazar haqqında

Rafiq Hunaltay
Rafiq Hunaltay 501 posts

Təxəllüsdən istifadə etməyi sevirəm. 2011-ci ildən biznes, marketinq, və sərbəst mövzularda yazılarımı HUNALTAY təxəllüsü ilə yazıram. Yazılarımı oxuyaraq az da olsa, faydalana bildinizsə, təşəkkür əlaməti olaraq digərlərinin də faydalanması üçün paylaşmanız yetərlidir. Rəy və təkliflərinizi rafiq@hunaltay.com mail ünvanında görməkdən məmnun olaram.

Həmçinin oxuya bilərsiniz

Biznes 0 Comments

İş aşırmağın 10 qaydası

Bir də görürsən işlər qarışıb bir-birinə. Heç nəyə vaxt çatdırmaq olmur. Arada sənə elə gəlir ki, bir neçə gün ertələsən öz-özünə düzələcək, amma elə də olmur. İşlər daha da üst-üstə

Biznes 0 Comments

Bakı Su İnnovasiya Forumu 2022 (Canlı Yayım)

Facemark MMC təşkilatçılığı ilə Azərbaycanda ilk dəfə “Bakı Su İnnovasiya Forumu” keçiriləcək. Forum haqqında Aqua Link Şirkətinin təsisçisi Orxan Mikayıl ilə canlı yayımda müzakirə apardıq.  

Biznes 0 Comments

Şəkilsiz yazılar seriyası #7 – Networking nə deyil?!

Çox networking tədbirlərində oluruq. Aşağı-yuxarı bilirik networking nədir. Bəs networking nə deyil? – Qarşınıza çıxan hər tədbirə getmək deyil – Hamıdan vizitka toplamaq deyil – Hamı ilə tanış olmaq deyil.

Şərhlər

Şərh yazan yoxdur

İlk şərh yazan siz olun

Şərh yazın